Di pipir curug cipurut

Di pipir curug cipurut

Angin nembang ti Beulah kulon

Sakolebat, dina hate anjeun ngiceup

Tumiba ngahiris diri

Muntang ka lamping nu teu kasorang

Akang masih nyorang, nyai

Jauh dijugjug anggang diteang

Waragad cikaracak ngarupa lumut na emutan

Masih keneh nyaritakeun anjeun, nyai

Pikanyaah nu ngoceah, harti nu surti

Cinta nu sulaya ngabejer

Cipurut masih anteng babaseuhan

Migunem seah kanyaah, kawaas

Batu koral jeung tangkal hanjuang masih satia

Nyaksi paguneman urang duaan

Midang patekadan, akang masih kiat nyaba waktos

Sanajan yuswa mangrupi lowong-lowong nu dibedong

Anjeun kedah deui diajar ikhlas, nyai

Dipipir curug cipurut

Tikukur jeung galejra masih gunem nepikeun salam

Tong hariwang, nyai

Najan kaayaan miawak dapur-dapur hinis

Akang masih tumetep jeung kasatiaan

Sapertos curug muncrug

Gurung gusuh ngalalakon mangsa harita

Basa mesem sasarengan muru layung

Newak lawang, basa papatong masih nembong

Dibarung panon poe

Numut beja nu tumebar, anjeun ngiring anclub dina layung

Naha leres nyai ?

Teuleum ngangkleung dina walungan panineungan

Dipipir curug cipurut

Akang ikhlas, nyai

Neuteup isuk semu nyeri

Ningal caah, ngontewang saampareun leuweung pinus,

Konesta jeung hanjuang

Tos rada tebih, anjeun ngagupai, nyai

Meupeus kameumeus, akang ambon nyalira

Peurih, kaceretan pasir wiru

Dipipir curug cipurut

Karya : Muhammad Abdul Aziz ( SMA Al-Muhajirin, November 2011)

One response »

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s